15 C
Скопје

Царовска: Со новите образовни програми да ги поттикнеме најмладите критички да размислуваат и да фатат чекор со нивните врсници во најразвиените земји

Меѓународниот ден на образованието 24 јануари годинава го одбележуваме во време на пандемија што ни наметна целосно нови услови за одвивање на образовниот процес, но и предизвици во изнаоѓање решенија за непречена настава и квалитетно образование и во овие исклучително сложени услови, истакна министерката за образование и наука Мила Царовска во видео обраќање по повод денешниот Меѓународен ден на образованието.

И покрај пандемијата, нагласува таа, Министерството за образование и наука продолжува силно да вложува во образованието и во подготвувањето на целосна нова реформа која ќе гарантира подобро и поквалитетно образование за нашите деца.

– Остануваме посветени и вложуваме во подобри услови и во нови образовни програми, со кои ќе ги поттикнеме најмладите критички да размислуваат и да фатат чекор со нивните врсници од најразвиените земји. Силно верувам дека новата концепција за основно образование е влез во нова ера на развој, раст и унапредување на идните генерации и влог во иднината на земјата. Правото на образование е основно човеково право, а квалитетното образование е основа за развој и просперитет на секое дете и на општеството во целина, вели Царовска, се наведува во денешното соопштение од МОН.

Прочитајте и...  ЕУ ги обнови и продолжи санкциите за Иран

Министерката Царовска потенцира дека и во време на пандемија е овозможено образовниот процес да тече непречена настава со комбинираниот модел: настава со физичко присуство, онлајн и со емитување часови на телевизија што не беше ни малку лесно. За сето ова да успее најголем придонес имаат учениците, наставниците и родителите.

– Децата, нашите ученици се и нашите херои во ова време, херои кои ни покажаа на сите нас дека може да се постигнат резултати и при учењето на далечина, ни одржаа лекција за прилагодување и прифаќање на променетите услови, за учење и просперитет и во вонредни околности, истакнува Царовска.

Според податоците на УНЕСКО од кризата со Ковид-19 и затворањето на училиштата, универзитетите и другите образовни институции, како и прекинот на многу програми за доживотно учење и описменување, влијаеше врз животите на над 1,6 милијарди ученици во повеќе од 190 земји во светот. Во сите овие земји вклучувајќи ја и нашата, образованието е во фокусот на обновата од влијанието на кризата како клучен фактор за трансформацијата кон поинклузивно, побезбедно и одржливо општество.

Прочитајте и...  Македонија, БиХ и Косово ќе добијат 100.620 дози „Фајзер“ вакцина

Поврзани вести

42 мигранти настрадале во бродолом кај Џибути: Шверцерите не се пронајдени

Слободен печат

ВО ЖИВО: Пресуда за случајот „Трезор“

Слободен печат

Богдановиќ: Бараме вклучување на повеќе институции за предмети поврзани со ДУП-овите

Слободен печат

Лавров: ЕУ ги загрозува преговорите со воведување санкции за Иран

Слободен печат

Џафери им го честита почетокот на Рамазан на припадниците на исламската вероисповед

Слободен печат

Филипче: Цените за лекување на коронавирус во приватните клиники предлагаме да се движат од 40.000 до 305.000 денари

Слободен печат

Остави Коментар