Царовска: Реформите во образованието се сукцесивни, концептот ќе се воведе по пет до шест години од сега
Министерката за образование и наука Мила Царовска, заедно со градоначалникот Петре Шилегов, на денешната заедничка пресконференција истакнаа дека по ссостанокот со управниот одбор на Зелс е водена дебата со тамошните претставници, во врска со новите реформи и новиот концепт за основното образование во земјава.
– Да ја извадиме политиката од образованието, ова е стручна дебата, а ние како одговорни лица сме должни да го извадиме оптималниот максимум и основното образование ќе биде многу значајно и во иднина. Потребно е да се има сериозен пристап кога ќе се зборува за реформите во образовниот систем – порача градоначалникот Шилегов.
Царовска пак истакна дека е водена дебата со сите засегнати страни, а секој кој има предлог или сугестија за реформите во образованието ќе може тоа да го напише и во писмена форма да го испрати до МОН до 20 јануари.
– Имавме правна средба со управниот одбор на ЗЕЛС. Се разви плодна дискусија на која одлучивме дека треба да продолжиме да дискутираме и со директорите и со наставниците и со сите останати засегнати страни. Досега течеа интензивни координации, ја интензивираме дебатата за реформите и со наставниците и директорите и со претставници на МАНУ, но исто така и со меѓународни и граѓански организации, се со цел сите кои имаат коментар да го дадат своето мислење. Во пишана форма и сите останати страни кои имаат став можат да ни го испратат до 20 јануари, но секако дека усните дебати се навистина потребни, бидејќи така се расчистуваат сите проблеми – порача Царовска.
Царовска на средба со СОНК: Синдикатот е наш важен партнер, заедно ќе ги спроведеме реформите
Министерката посочи дека во наредниот период ќе се донесе одлука за тоа како образованието ќе функционира во иднина.
– Во наредниот период заедно ќе одлучиме како ќе функционираме и од следната година. Реформите овојпат се сукцесивни, а нашиот концепт би се вовел за пет до шест години од сега – нагласи Царовска.