Цариниците спречија шверц на лекови на граничниот премин „Богородица”
На граничниот премин „Богородица” каде од почетокот на пандемијата нормално функционира само товарниот сообраќај, односно меѓународниот промет на стоки, цариниците спречија шверц на лекови во еден камион на влез од Грција во нашата земја.
Во камионот со скопски таблички, кој бил случајно избран, цариниците извршиле детален преглед при што, меѓу декларираната роба, биле пронајдени непријавени шест картонски кутии во кои имало 744 пакувања од 14 видови лекови, наменети за нелегална продажба.
Пазарната вредност на запленетите лекови изнесува 233.500 денари. Тие се запленети од страна на царинските службеници со потврда за привремено одземени предмети, а понатамошната постапка ќе ја води одделението за истраги.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот