Цапар: Се враќам во македонскиот фудбал! - Слободен печат
СпортФудбал

Цапар: Се враќам во македонскиот фудбал!

Прославеното име на македонскиот фудбал Цапар ќе ја предводи нашата фудбалска репрезентација за играчи до 15 години, потврдија од ФФМ.

Управниот одбор на Фудбалската федерација на Македонија на денешната седница донесе одлука Драган Канатларовски – Цапар да биде назначен за селектор на македонската репрезентација во младински категории.

После 12 години му се враќа на македонскиот фудбал и среќен што заеднички со луѓето од Федерацијата имаат прилика да дадат придонес во развојот на еден од најбитните сегменти од фудбалот, а тоа е младинскиот фудбал и неговиот напредок.

Благодарен и што раководството на федерацијата и претседателот Сејдини придонесоа „Куќата на фудбалот“ да ја чувствува како своја.

– Можеби за некои моето назначување за селектор на македонската репрезентација до 15 години е изненадувачки, но сите кои ме познаваат, знаат дека јас сум во фудбалот поради фудбалот, а не заради функциите. Желба ми беше да имам своја академија каде што ќе можам да го пренесам знаењето на младите фудбалери, а овој чекор во мојата кариера е предизвик и за мене да се потрудиме да постигнеме едно повисоко ниво во работата со младите категории. Сигурен сум дека со ова најмногу ќе добијат младите фудбалери – вели Канатларовски.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Слични артикли

Напишете коментар

Вашата адреса за е-пошта нема да биде објавена. Задолжителните полиња се означени со *

Close