Цветарски: Размислуваме за продолжување на електронскиот попис

Девојка со заштитна маска против коронавирусот во Софија, Бугарија / Фото: EPA-EFE/VASSIL DONEV

Податоците заклучно со 12 часот денеска покажуваат дека 459.118 лица кои живеат во речиси 200.000 домаќинства се преброени по електронски пат. Во последните три дена, и покрај тешкотиите што ги имавме, се пребројуваат по околу 100.000 луѓе дневно. Сепак, темпото е побавно отколку што се надевавме, рече претседателот на Националниот институт за статистика Сергеј Цветарски во интервју за БТА.

– Онлајн пописот не почна „глатко” поради нападите на информативната страница, преку која се влегува во системот, рече Цветарски, додавајќи дека овие напади наложија да се ограничи капацитетот на системот, што ја отежна регистрацијата.

Во првите денови од електронскиот попис, како што рече, „имаше DDoS напади или напади „одбивање на услугата”.

– Изолираните IP адреси беа претежно од Кина. Најсилниот напад што го надминавме беше 250 гигабајти сообраќај во секунда. Во Бугарија досега немало толку голем DDoS напади, рече претседателот на НСИ.

Тој додаде дека има напади со генерирање огромен злонамерен сообраќај и нивната цел е да ја блокираат работата на системот.

Цветарски рече дека немало обид да се пробијат податоците од системот и додаде дека во јавноста секој кибер напад се доживува како хакирање.

– Во секој случај, постои обид да се дискредитира процесот и тоа создаде тешкотии за луѓето кои имаат желба да се попишат електронски. Како водечка институција во пописот, НСИ и јас лично сме одговорни. Им се извинувам на луѓето за тешкотиите, им се заблагодарувам на оние кои се попишаа и апелирам до другите да го сторат истото, рече претседателот на НСИ.

Тој нагласи дека целта на овој тип напад не е да протекуваат податоци. – Целта е да се блокира процесот. Податоците што ги пополнуваат луѓето се заштитени, рече Цветарски.

Според него, нормално е да се даде малку повеќе време за електронско броење, најмалку за да се компензира за првите денови во кои, поради тешкотиите, многу луѓе одбија да се попишат електронски.

– Сепак, одлуката мора да ја донесат Централната пописна комисија и Владата. Во првите четири работни дена, 18.260 луѓе се јавиле во центарот за попис, рече Цветарски, додавајќи дека само во последниот час имало неколку повици дека регистрацијата во одредена пошта не работи.

“Случаите се проверуваат еден по еден и се покажа дека луѓето обичного мешаат продолжувањето – напишете .bg наместо .com. Има луѓе кои се обидуваат да се регистрираат неколку пати затоа што одеднаш одлучиле да напишат друга адреса. Нормално, системот одбива бидејќи тој препознава дека личноста е иста. Некои потешкотии се поврзани со обележувањето на местото на живеење на мапата”, посочи Сергеј Цветарски на тешкотиите на луѓето во пописот.

Претседателот на НСИ се надева дека за 10 години регистрите во земјата ќе бидат на такво ниво што пописот ќе може да се направи само од административни извори.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот