Црвена звезда го растури Каират и продолжува во квалификациите за ЛШ

EPA-EFE/ANDREJ CUKIC

Екипата на Црвена звезда на убедлив начин со триумф со петарда во голот на Каират обезбеди пласман во третото квалификациско коло за пласман во Лигата на шампионите. „Црвено-белите“ вечерва во Белград славеа со 5.0 против Каират и покажаа дека поразот во првиот натпревар во Казахстан (1:2) беше само лоша претстава.

Српскиот шампион дилемите околу победникот и патникот во третото квалификациско коло ги реши уште во првото полувреме кога Александар Катаи постигна два гола во деветтата и 42 минута, а третиот гол беше дело на Диони. На стартот од второто полувреме, Иваниќ зголеми на 4.0, а конечниот резултат во 56 минута го постави Фалко.

Нареден противник на Црвена звезда во квалификациите ќе биде Шериф Тираспол кој со 3:1 го совлада Алашкерт во реваншот.
Највозбудливо беше на дуелот помеѓу Митјиланд и Селтик каде натпреварот заврши идентично како и на првата средба 1:1. Победничкиот гол во продолжението за Митјиланд го постигна Онједика во 94 минута.

Резултати:
Нефчи – Олимпијакос 0:1
Шериф – Алашкерт 3:1
Клуж – Линколн 2:0
Митјиланд – Селтик 2:1
Галатасајар – ПСВ 1:2
Лудогорец – Мура 3:1
Јанг Бојс – Слован 3:2
Црвена звезда – Каират 5:0
Спарта Прага – Рапид Виена 2:0

Двојки за трето коло:
Динамо Загреб – Легија
Клуж – Јанг Бојс
Олимпијакос – Лудогорец
Црвена звезда – Шериф
Малме – Ренџерс
Ференцварош – Славија Прага
ПСВ – Митјиланд
Спартак Москва – Бенфика
Генк – Шахтјор
Монако – Спарта Прага

Видео на денот