Црната серија продолжува, Кил му го нанесе третиот пораз по ред на Вардар во ЛШ

Вардарци по втор пат загуби од Нексе/фото: Слободен печат/Драган Митрески

Ракометарите на Вардар ја продолжија црната серија во Лигата на шампионите и го доживеаја третиот пораз по ред, втор на домашен терен. Вардарци овој пат загубија од екипата на Кил со 26:29 во рамки на шестото коло во групата А во ЛШ.

Иако во германскиот тим немаше тројца клучни ракометари, Сагосен, Винчек и Вајнхолд, големиот број на технички грешки во нападот придонесоа за третиот пораз по ред на Вардар  откако во првите три кола оствари две победи и едно реми.

Голема борбеност на ракометарите на двете екипи/фото: Слободен печат/Драган Митрески

Натпреварот започна одлично за Мартин Томовски кој го одбрани ударот од седум метри на Екберг, а потоа во првите пет минути одбрани уште три  шута на ракометарите на Кил.

Неговите одбрани ги искористија крилата Дибиров и Георгиевски кои постигнаа три гола за водство до 3:1. Потоа следуваше период на лоа игра на вардарци во нападот кои резултираа со технички грешки, а и Никлас Ландин имаше неколку одбрани кои придонесоа цели десет минути „црвено-црните“ да не постигнат гол, но благодарение на одбраните на Томовски кој фати шест топки во првите 12 минути, резултатот беше 3:3.

Вардарци го доживеаја вториот пораз по ред на домашен терен/фото: Слободен печат/Драган Митрески

Потоа следуваше игра гол за гол се до самиот финиш на првиот дел, кога Вардар во 28 минута со двата гола на Дибиров и на Талески поведе со 12:10. Потоа Томовски имаше уште две одбрани, а Кевин Њокас во последните секунди од првиот дел постигна гол за водство на Вардар од 13:10.

Одличен на голот на Вардар беше Мартин Томовски кој во првиот дел имаше 12 одбрани, од кои еден беше пенал, додека во нападот Тимур Дибиров постигна седум гола.

Тимур Дибиров блескаше во првото полувреме со седум постигнати голови/ фото: Слободен печат/Драган Митрески

Второто полувреме започна со гол на Дувњак, но експесно врати Јоел Моралес со својот прв гол на натпреварот, но потоа следеа два гола на Кил преку Реинкинд и Дувњак со кои германскиот тим намали на 14:13.

Оливие Њокас во 35 минути го носи Вардар на два гола предност (15:13), во гостите експресно враќаат преку Зарабец.

Во текот на сите 60 минути се водеше беспоштедна борба за секоја топка/ фото: Слободен печат/Драган Митрески

Вардар 37 минута повторно прави три гола предност благодарение на головите на Стоилов и Оливие Њокас (18:15). Одговорот на Кил беше серија од пет гола со кои поведе со 18:20 во 42 минута.

Вардарци во второто полувреме имаа проблеми со реализацијата во нападот/фото: Слободен печат/Драган Митрески

„Црвено-црните“ во наредниот се обидуваа да фатат резултатски приклучок, тренерот Веселин Вујовиќ се одличи во напад да игра седум на шест, но промашувањата во нападот беа казнувани од ракометарите ма Кил кои поведоа и со три гола разлика (20:23), а во 50 минута германскиот тим поведе и со 21:25 по голот на Никлас Едберг.

Вардар во финишот постојано беше во резултатска негатива/фото: Слободен печат/Драган Митрески

Вардарци не се предаваа и во 55. минута со голот на Дибиров од седум метри намалија на 24:26, додека на теренот имаа двајца играчи повече поради исклучувањата на Дамке и Хорак. Германскиот тим и во тие моменти успеа да постигне гол преку Домагој Дувњак за 24:27. Вардар експресно намали преку Кудуз, но Екберг го совлада Ристовски од седум метри за водство од 25:28.

Ракометарите повторно имаа голема подршка од навивачите/фото: Слободен печат/Драган Митрески

Тимур Дибиров со девет голови беше најпрецизен во редовите на Вардар, а Мартин Томовски имаше 14 одбрани. На спротивната страна Домагој Дувњак постигна седум гола, а Никлас Едберг даде шест, додека Ландин имаше 11 одбрани.

Следниот натпревар, Вардар ќе го игра на 18 ноември кога ќе му гостува на Пик Сегед.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот