Црна Гора планира да изгради државен центар за податоци

црна гора знаме фото МИА

Црна Гора планира да изгради државен Дата центар, односно Центар за податоци, поради што е донесена одлука за изработка на физибилити студија, објави денеска РТЦГ.

Во информацијата што ја усвои Владата, се наведува дека, за да се обезбедат неопходните предуслови за понатамошна дигитална трансформација на црногорското општество, потребно е да се започнат плански активности за изградба на Државниот центар за податоци, кој би претставувал единствен комплекс за комплетната државна администрација, изграден во согласност со сите меѓународни стандарди поврзани со дата центри, информации и кибер безбедност.

„Иако целта е да се изгради еден објект со доволен капацитет за потребите на сите државни институции, државниот центар за податоци би можел да се сегментира и да обезбеди организација на посебни простории за оние институции кои имаат специфични безбедносни барања“, се наведува во соопштението.

Владата го задолжи црногорското Министерство за јавна администрација да изработи физибилити студија за потребата од изградба на Државен дата центар, во која ќе се предвиди оптималниот модел на финансирање и Министерството за екологија, просторно планирање и урбанизам во соработка со Министерството за Јавната администрација и локалните власти, да ги разгледаат најоптималните опции за просторно планирање за избор на локација и изградбата на овој центар.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот