Црн ковид биланс во Русија, досега највисок број на смртни случаи

Русија регистрираше 852 смртни случаи од Ковид-19 во претходните 24 часа, што е највисок број за еден ден досега, објавија властите.

Претходниот рекорден број од 828 смртни случаи во еден ден беше забележан на 24 септември, пренесува Танјуг.

Во извештајот на кризниот центар се наведува дека од вчера се потврдени 21.559 нови инфекции со корона вирусот. Русија досега потврди повеќе од 7,4 милиони случаи на инфекција и 205.531 смртни случаи.