Циципас за првпат во финалето на Мастерсот во Рим

Стефанос Циципас во полуфиналето го елиминираше Александар Зверев/Рим, Италија/14 мај 2022/Фото: EPA-EFE/ETTORE FERRARI

Стефанос Циципас е првиот финалист на Мастерс турнирот во Рим, откако во полуфиналната фаза го елиминираше Александар Зверев со 2:1 во сетови.

За првпат во својата кариера грчкиот тенисер Циципас ќе игра финале во италијанскиот главен град.

На денешниот меч Зверев успеа да го освои првиот сет со 6:4, а на Германецот за водство доволен му беше еден „брејк“ кој се случи во седмиот гем.

Во вториот сет имавме слична ситуација, повторно одлучи еден брејк, но овојпат во корист на Циципас, кој со 6:3 го израмни резултатот.

Третиот сет донесе доминација на Гркот, кој двапати беше беше подобар на сервисот на Зверев и со 6:3 се избори за пласман во големото финале.

Циципас ќе се бори за својата трета мастерс титула, а во финалната битка противник ќе му биде победникот од мечот Новак Ѓоковиќ (Србија) – Каспер Руд (Норвешка).

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот