Циципас спие со рекетот потпишан од неговиот идол Федерер
Грчкиот тенисер објави фотографија на која се гледа како мирно спие во својот кревет, а рекетот до него лежи на перница
За време на неодамна завршениот Лејвер куп во 2022 година, Роџер Федерер, кој се прости од тенисот, му даде на Стефанос Циципас потпишан рекет заедно со писмена порака.
Грчкиот тенисер објави фотографија на која се гледа како мирно спие во својот кревет, а рекетот на неговиот идол лежи до него на перницата.
Mornings in London be like… pic.twitter.com/Qtqf9rLo6m
— Stefanos Tsitsipas (@steftsitsipas) September 28, 2022
Откако започна Лејвер купот во 2017 година, ова беше првпат тимот Европа да загуби од тимот Свет. Избраниците на Џон Мекинро во петтиот обид ги совладаа избраниците на Бјорн Борг со разлика од 13-8.
Врв на настанот останува повлекувањето на Федерер од професионалниот тенис, а Циципас со фотографијата од својата спална соба успеа да направи многу фанови на швајцарската легенда да бидат љубоморни.