Чурлинов: Не е важно кој ќе даде гол, важно е да победиме
Еден од нашите млади и талентирани репрезентативци Дарко Чурлинов ја чека шансата да дебитира во сениорскиот дрес на Европското првенство.
Македонската А селекција в четврток во Букурешт со почеток од 15.00 часот ќе ја брка првата победа на континенталниот собир.
Како подготовка за ЕП 20-годишниот напаѓач Чурлинов го постигна дебитантскиот гол за националниот тим на пријателскиот натпревар во Скопје против Казахстан (4:0).
Пред дуелот со Украинците тој вели дека нормално е да има еуфорија, а дали ќе добие минутажа, не зависи од него:
– Среќен сум што сум дел од тимот на ова историско Европско првенство. Горд сум дека сум најмлад дебитант во историјата на Македонија. Не е важно кој ќе даде гол, важно е да победиме. Треба да веруваме во себе и да ја играме нашата игра – изјави Чурлинов.
Алиоски: Овој натпревар е како финале за нас, но и за Украина!