Чупиќ: Македонија и Вардар ми дадоа многу, не е се во парите

Крилото на Вардар, Иван Чупиќ по пауза од две години повторно се врати во хрватската ракометна репрезентација и во интервју за „Индекс“ помеѓу другото зборуваше и за Вардар и за Македонија.

Чупиќ има огромен удел во освојувањето на двете европски титули, а во првото финале токму тој го постигна победничкиот гол против ПСЖ во последните секунди од натпреварот и стана еден од милниците на навивачите.

Легендарното крило одлучи да остане во Вардар иако екипата се соочуваше со огромни финансиски проблеми бидејќи како што вели во интервјуто, не е се во парите, а Македонија и Вардар му дадоа многу.

Мене Македонија ми даде многу, но и јас им дадов на неа и на Вардар. Блиски сме со менталитетот, а и блиску ми е Хрватска. Тука со мене се и мојата сопруга и моите деца, кои одат во градинка односно училиште. Јас сум во години кога приоритет не ми е играње во топ-клубовите каде се заработува најголема плата и не е најважното нешто на светот, и затоа сум посреќен. Тука постигнав големи успеси. Двапати бев шампион на Европа, ме ценат и многу ми дадоа и државата и клубот. Семејството ми е среќно во Скопје и сѐ додека е така и јас ќе бидам среќен. Се променија раководните структури во клубот, сега имаме други цели и други луѓе во водат клубот, но без разлика на се, јас се снајдов, здрав сум, играм и среќен сум кога сум на теренот. Не можам да кажам дека нешто ми недостига во Скопје – вели Чупиќ.

Прочитајте и...  И Мекгрегор му честита на Хабиб

Миленикот на навивачите смета дека пандемијата силно го погоди ракометот но и покрај тоа Македонија остана ракометна земја во која хрватските ракометарите се одлично прифатени.

– Пандемијата на коронавирусот многу го погоди ракометот во светот. Но, во Македонија ракометот е спорт број еден, а не фудбалот. Тоа го привлекува секој ракометар, а лигата со Еурофарм Пелистер и Металург ќе биде многу интересна. Хрватските ракометари се чувствуваат како дома во Македонија, Хрватска им е блиску, а Македонците се добри и топли луѓе и нѐ сакаат нас Хрватите и ги ценат нашите успеси со репрезентацијата. Мислам дека не имаат прифатено како свои. Секој од нив веројатно е задоволен и на финансиски план, а мислам дека вистинско доживување би биле полните сали во Скопје и Битола бидејќи интересна лига е важен сегмент од донесувањето на одлуките – вели Чупиќ.

Прочитајте и...  Голема акција на полицијата во Охрид, запленети 100 килограми дрога

Поврзани вести

ХУМАН ГЕСТ: Мајкл Џордан отвори втор медицински центар за лица без здравствено осигурување

Слободен печат

ФАРЕ кампања: „Фудбалски луѓе“, во организација на ФФМ и МЦКР

Слободен печат

Хамилтон: Можев само да сонувам…  

Слободен печат

Вардар остана без трите бода против Ренова во 90. минута

Слободен печат

ИСТОРИЈА: Хамилтон го собори рекордот на Шумахер!

Слободен печат

Вооружени разбојници влегле во домот на поранешен италијански репрезентативец

Слободен печат

Остави Коментар