Чупиќ ќе го напушти Вардар, потпиша договор со ППД Загреб!?
Хрватскиот репрезентативец кој ја одбележа деценијата зад нас, Иван Чупиќ, по 14 години се враќа во домашниот ракомет!
Според „Хандбал Планет“, 34-годишното десно крило од Метковиќ ќе го напушти Скопје следното лето по пет сезони поминати во дресот на Вардар 1961.
Освојувачот на три титули во Лигата на шампионите, една со Кјелце и две со Вардар (2016, 2017 и 2019 година), и како што информира истиот извор, веќе потпишал тригодишен договор со хрватскиот првак, РК ППД Загреб.
Чупиќ го направи својот прв чекор од родниот Метковиќ до главниот град каде го носеше дресот на Медвешчак, а неговата меѓународна кариера го водеше преку шпанските Октавија Пилотс, Горење, Рајн Некар Левен и Кјелце во Вардар каде што кулминираше со освојувањето на двата финални турнири од ЛШ во Келн.
РК Загреб веќе најави доаѓање на уште еден искусен хрватски репрезентативец Жељко Муса, кој ќе се врати во земјата од Магдебург, Германија.