Чулев: Сите прекршители во изборниот процес ќе бидат најстрого казнети (ВИДЕО)
Министерот за внатрешни работи, Наќе Чулев, денеска апелираше до полициските службеници да не подлегнуваат на било какви политички, односно партиски или пак притисоци од бизнис структури и нивните задолженија да си ги извршуваат согласно чесноста и професионализмот.
Сите прекршители на изборниот процес ќе бидат најстрого санкционирани. Полициските службеници да не подлегнуваат на притисоците на локалните криминални структури.Истовремено да не подлегнуваат на притисоци на бизнис структурите, да не подлегнуваат евентуално на притисоци од полициски службеници, кои ќе бидат инволвирани во изборни нерегуларности. Избирачкото право да си го остварат согласно нивните симпатии спрема одредена политичка опција, за која што сметат дека најмногу би ги задоволила нивните барања – рече Наќе Чулев – Министер за внатрешни работи.
Министерот Чулев потенцираше дека секој што ќе биде инволвиран во кривично дело поврзано со изборни нерегуларности се соочува со казна затвор до 10 години.