Техничкиот министер за внатрешни работи, Наќе Чулев во вечерашното гостување на телевизија Канал 5 рече дека тие како МВР дале сè од себе за справување со ситуацијата со коронавирусот.

-Ние како Министерство навистина дадовме сè од себе. Не велам дека немало грешки, кој работи, тој и греши. Кога се инсистира на избори во ситуација на сериозна закана од Ковид 19, неминовно е ова што се случува сега, вели Чулев.

Откако јас сум поставен за Министер за внатрешни работи континуирано сме во борба со криминалот.

-Доега се поднесени низа на кривични пријави. Има поднесено кривична пријава против директорот на јавното претпријатие Македонски шуми, за раководителите на подрчните единици на Македонски шуми во Кичево и во Прилеп, за директорот на РЕК Битола и за директорот на Еуро композит. Тоа е нормално постапување- истакана Министерот Наќе Чулев во емеијата Само интервју на Канал 5 во која тој гостуваше.