Претходно објавивме дека на истиот турнир, но во САД Реал загуби од Баерн, а Арсенал ја оправда фаворитската улога против Фиорентина.

И за двете екипи Тотенхем и Јувентус ова беше прв во рамките од летните подготовки за наредната сезона на пријателскиот турнир. Фудбалерите на Покетино поведоа во 30 минута благодарение на погодокот на Ерик Ламела.

Во второто полувреме во фокусот беа играчите од клупата, Маурицио Сари направи четири замени, а Маурицио Покетино на пет фудбалери им даде шанса за настап.

Израмнувањето на 1:1 се случи во 56 минута преку Игуаин, а само четири минути подоцна Роналдо се погрижи за пресврт.

Тотенхем израмни во 65 минута кога прецизен беше Лукас, а конечните 3:2 ги постави англискиот репрезентативец Хари Кејн во третата минута од судиското надополнување со феноменален погодок од пола терен.

После овој триумф премиерлигашкиот клуб е на третото, а италијанскиот шампион на деветтото место на табелата. На врвот моментно е Арсенал кој има максимални шест бодови.