Чудо на австриските Алпи: Скијач пет часа издржал под лавина, го спасил гпс-локаторот
Откако го потрупала лавина, 26-годишен Австриец поминал повеќе од пет часа под огромни количини на снег пред да биде спасен, објавија денес австриските спасувачки служби, пренесува хрватски „Индекс“.
Жртвите на лавина обично не преживуваат повеќе од 15 минути под снегот, а случајот на спасениот 26-годишникот е прв таков на Алпите во последните дваесет години, рече Стефан Шрок, официјално лице на спасувачката служба .
Службите прогласиле узбуна вчеравечер, поради тоа што 26-годишниот скијач не се врати од необележаната стаза во близина на врвот Плешнитцинкен. Спасувачите успеале да го пронајдат пред едно метро снег, бидејќи имал гпс-предавател кој на неколку минути ја испраќал неговата локација.
Мажот бил свесен, но во тешка здравствена состојба. Успеал да преживее бидејќи околу неговата глава формирал воздушен џеб кој му овозможил да дише, иако лежел под големата маса на снег не можел да се движи.
– Имаше многу, многу среќа – констатираше Шрок.