Чудесни раствори за брз раст на собните цвеќиња
Доколку сакате вашите собни цвеќиња да изгледаат живо и да растат многу побрзо отколку што сте навикнати, обрнете внимание на советите за прихрана, добиени од страна на искусни цвеќари. Со нив ќе успеете да одгледате вистинска цветна оаза во вашиот дом. Тајната на богатата домашна градина лежи во многу едноставни и лесни совети, a најважниот од нив е цвеќињата добро да се потхрануваат.
Како правилно да се подготви раствор за потхранување на растенијата?
Сите цвеќиња сакаат шеќер
Практично, сите растенија сакаат шеќер, а на кактусите тоа им е „омилен пијалак“. Пред да им ставите вода на цвеќињата, во саксијата ставете по една супена лажица шеќер, а потоа навадете ги.
Фикусите пак, еднаш месечно се залеваат со мешавина од вода и шеќер. На еден литар вода, се става една кафена лажица шеќер. Листовите на фикусот за да бидат сјајни и свежи, се чистат со млеко. Поради многубројните позитивни ефекти од млекото, љубителите на цвеќе одат чекор понатаму и со шприц во стеблото на нивното омилено растение вбризгуваат млеко.
Потхранување со рицинусово масло
Во еден литар вода, која претходно има отстоено неколку денови, додадете една кафена лажица рицинусово масло. Шишето добро затворете го и промешајте убаво за маслото со водата да се соединат убаво за да не изгорат корените на билката. Веднаш потоа течноста се сипува во саксијата.
Ако цвеќето цвета еднаш годишно, доволна е само една таква прихрана. Доколку пак растението цвета неколкупати годишно, ваквото потхранување треба да се практикува еднаш месечно.
Чудотворен раствор за најбезнадежните цвеќиња
Сè што треба за да се подготви овој чудотворен раствор е вода и лушпи од јајца. Лушпите од неколку јајца се прелеваат со вода и се оставаат да отстојат од 5 до 7 дена на собна температура. Од време на време, потребно е да се промешуваат. Откако ќе отстојат, растворот се става во саксиите на цвеќињата, а резултатот од оваа „чудотворна“ состојка може да се забележи само после неколку дена.
Зајакнете го имунитетот на домашните цвеќиња со аспирин
Една таблета од 300 мг потребно е да се раствори во еден литар вода. Така приготвениот раствор се распрскува по целото цвеќе со помош на распрскувач.