Едно од летните засилувања кои дојдоа на „Џузепе Меаца“ е и Валентино Лазаро, 23-годишниот австриски репрезентативец.

Да потсетиме, човекот кој ни направи големи проблеми на квалификацискиот натпревар за ЕП во Скопје и беше еден од главните „виновници“ со еден гол за нашиот убедлив пораз од 1:4.

Лазаро, кој во Интер дојде од Херта, оваа сезона запиша само 41 минута игра во дресот на „неро-аѕурите“ и засега не ги оправдува парите од 22 милиони евра одвоени за негов трансфер.

Како што пренесува „Тутомеркато“, Валентино Лазаро веќе во јануари би можел да го напушти Интер и се врати во Херта Берлин на позајмица.

Се веруваше дека Лазаро ќе му биде корисен на тренерот Конте, во формацијата 3-5-2, со оглед на тоа што може да ги покрие сите позиции од десната аут-линија, но Австриецот досега не ги задоволува вкусовите.