Чоко-тарт
Овој чоколаден десерт ќе ве освои со својата едноставност и брзина за подготовка, особено затоа што не се пече. А вкусот на лешници и чоколадо, секогаш е омилен.
СОСТОЈКИ:
– 200 г мелени бисквити
– 100 г мелени лешници
– 250 г путер
– 50 мл млеко
– 100 г млечно чоколадо
– 150 г цели лешници
– 300 г чоколадо со вкус топен лешник
– 200 мл слатка павлака
ПОДГОТОВКА:
Млечното чоколадо и 125 грама путер стопете ги, па измешајте ги со мелените бисквити, лешници и млекото, да добиете воедначена смеса. Потоа ставете ја во калап за тарт и добро распоредете ја. Над неа наредете ги целите лешници и ставете ја во фрижидер додека подготвувате фил. Во сад ставете го чоколадото со вкус топен лешник, слатката павлака и 125 грама путер, па топете на тивок оган. Потоа оваа смеса прелејте ја над лешниците и оставете ја тортата во фрижидер да се стегне.