Чочоровска: Со дарувањето на крвна плазма сакам да помогнам на тие кои во овој момент се борат со вирусот
Четириесет и тригодишната Билјана Чочоровска е излекувана пациентка од коронавирусот, која покрај тоа што даруваше крвна плазма, ги охрабрува сите оние кои ги исполнуваат условите, да го сторат истото.
„Дарував крвна плазма затоа што сметам дека ја зголемуваме шансата и надежта да помогнеме на секој оној којшто се бори против ковид-19. На 22 јуни ми беше дијагностициран коронавирус и го прележав во период од две недели. Среќна сум бидејќи имав лесни симптоми. Со дарувањето на конвалесцентна плазма сакам да помогнам на тие кои во овој момент се борат со вирусот, а нивните симптоми се значително посилни. Ги охрабрувам сите кои се мислат дали да даруваат крвна плазма и воедно ги исполнуваат условите за тоа, да го сторат истото без двоумење. Постапката за проверка на присуство на антитела е брза, лесна, ефикасна и организирана, а чувството е прекрасно кога знаете дека можеби ќе помогнете некому во борбата против коронавирусот.“ – вели Билјана Чочоровска (43), излекувана пациентка од ковид-19.