Членовите на СДСМ на пролет ќе избираат претседател
Претседателот на СДСМ, Зоран Заев по одржувањето на 25-тиот Конгрес на СДСМ изјави дека на пролет членовите на СДСМ ќе избираат лидер преку гласање.
„Новиот претседател на СДСМ ќе биде избран на директни, непосредни избори следната година во првото полугодие кога истекува мандатот на ова раководство“, соопшти Заев.
Тој додаде дека секој член кој најмалку 5 години бил во партијата и поминал мандат како член на централниот одбор може да се кандидира за нов претседател.
Претседателот Заев ги повика и другите партии да го следат примерот на СДСМ и да се менуваат да го зглемуваат степенот на демократија затоа што тоа е во интерес на државата и граѓаните,
„Со овој Конгрес и со предлог измените СДСМ поставува нови демократски стандарди на партиско делување во Република Северна Македонија. Ги охрабрувам и другите партии да го следат нашиот пример и да се менуваат на подобро. Тоа ќе биде додадена вредност за нашата македонска демократија и за нашиот политички плурализам” заклучи Заев.