Чиста „десетка“ за Серафимов, растури против Бахреин – Слободен печат
РакометСпорт

Чиста „десетка“ за Серафимов, растури против Бахреин

Капитенот даде огромен придонес во втората по ред мундијалска победа што значеше важен чекор кон пласман во осминафиналето.

Десниот бек на Металург и на македонската кадетска репрезентација, Мартин Серафимов, денеска го одигра својот најдобар натпревар во досегашниот тек на кадетското СП во Скопје.

Со 10 постигнати голови од 14 обиди, тој даде огромен придонес за победата на Македонија на средбата против Бахреин.

Токму поради тоа, Серафимов беше прогласен за најдобар играч на средбата.

– Одигравме тежок натпревар и на крајот заслужено победивме. Го оставивме срцето на теренот, не се откажавме, „киневме“ во одбрана, дававме голови во напад, голманите бранеа… сè најдобро за момците и за стручниот штаб. Но, математички ништо не е готово. Не треба да скокаме, мораме да одиме чекор по чекор. Да гледаме кон Данска и кон Јапонија, да одиме на најдоброто. Се надеваме дека ќе одиме уште подалеку од осминафиналето. Се намали малку притисокот врз нас, по лошиот старт на првенството. Потребни ни беа овие две победи, за да нè кренат на нозе – изјави Серафимов по натпреварот.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close