Четворица повредени во сообраќајка кај Демир Капија
На автопатот Демир Капија – клучка Миравци ноќеска во 1.20 часот е пријавено дека се случила сообраќајна незгода помеѓу три патнички возила, во која со повреди се здобиле четири лица, двајца македонски и двајца српски државјани.
Ккао што соопштија од МВР, сообраќајката се случила помеѓу патничко моторно возило „пасат“ со српски национални ознаки, управувано од Б.Ј.(35) од Србија, патничко моторно возило „ауди“ со скопски регистарски ознаки, управувано од А.С.(24) од скопско Студеничани и патничко моторно возило „ауди“ со тетовски регистарски ознаки, управувано од И.Д.(40) од Скопје.
Во сообраќајката со повреди се здобиле возачот Б.Ј. и сопатникот од истото возило Т.С.(22) од Србија, кои биле пренесени во Медицинскиот центар во Гевгелија, а подоцна и другите двајца возачи се пренесени во гевгелиската болница.