Четворица продемократски активисти егзекутирани во Мјанмар
Воените власти на Мјанмар егзекутираа четворица продемократски активисти обвинети за помагање и поттикнување „терористички акти”.
Тоа се први смртни казни извршени во Мјанмар по неколку децении.
Меѓу погубените се активистот Кјо Мин Ју и поранешниот пратеник Пјо Зеја Тав, објави мјанмарскиот весник на англиски јазик „Глобал њу лајт оф Мјанмар”.
Смртните пресуди на двајцата им беа изречени во јануари, а потврдени минатиот месец од суд на повисока инстанца.
Според весникот, четворицата биле обвинети и казнети според Законот за антитероризам и егзекуциите биле извршени според затворските процедури.
Минатиот месец Oбединетите нации, американскиот Стејт департмент и Франција ја осудија одлуката за одбивање на жалбите против изречените смртни казни на обвинетите