Четири скокалници: Кобајаши најдобар и во Гармиш

Рјоју Кобајаши беше најдобар и на втората станица од Новогодинешната турнеја, Четири скокалници/ фото: EPA-EFE/PHILIPP GUELLAND

Рјоју Кобајаши победи на „втората станица“ од Новогодинешната турнеја во ски скокови, четири скокалници, и направи голем исчекор кон конечен триумф.

Јапонецот во Гармиш партенкирхен победи со скокови од 143 и 135.5 метри. Кобајаши беше најдобар во првата серија, а предноста успеа да ја зачува во втората серија и да победи со освоени 291.2 поени.

Второто место му припадна на Германецот Маркус Ајзенбихлер кој имаше скокови од 141 и 143.5 метри и освои вкупно 291 бод. Третотo место го освои Словенецот Кос со скокови од 135.5 и 138 метри.

Во генералниот пласман на Четири скокалници води Кобајаши со 593.2 поени, втор е Норвежанецот Линдвиг со 580, а трет е Кос со 575.5 освоени поени.
Новогодинешната турнеја продолжува на 3 и 4 јануари во Инсбрук, а последна станица е Бишофсхофен на 6 јануари.

Видео на денот