Остеопорозата е метаболичко заболување кое предизвикува губење на коскената маса, што резултира со кршливи коски и зголемен ризик од фрактури.

Тоа е една од таканаречените „невидливи“ болести, бидејќи симптомите и последиците се јавуваат кога веќе е во поодмината фаза. Се проценува дека една од три жени и еден од пет мажи постари од 50 години ќе доживеат фрактура на коските поради остеопороза.

Главниот ризичен фактор е стареењето, односно со него поврзаните хормонални и метаболички промени. Можеме да разликуваме постменопаузална остеопороза, која се појавува поради пад на нивоата на естрогенот, најчесто кај жени на возраст меѓу 50 и 70 години, сенилна остеопороза, поврзана со стареењето, која најчесто се појавува по 70-тата година од животот. Со стареењето на населението, се очекува дека остеопорозата, веќе сега многу честа состојба, да стане уште позначаен јавно здравствен проблем.

Некои од дополнителни ризични фактори се:

– остеопороза и фрактури на колкот во семејната историја

– многу ниска телесна маса (БМИ <19)

– хипертироидизам

– пушење и прекумерно консумирање алкохол

– ревматоиден артритис

– малапсорпција на хранливи материи, на пример кај целијакија или Кронова болест

– одредени лекови, како што се кортикостероиди, антиепилептици, хепарин

Како до дијагноза?

Општоприфатен метод за дијагноза на остеопорозата е дензитометријата, односно мерењето на коскената густина. Дензитометријата се препорачува за жени над 65 години, жени во менопауза со ризични фактори и луѓето кои доживеале фрактура по мала траума.

Симптоми

Може да се појават следниве симптоми:

– болка во грбот (веднаш по фрактурата на пршлени болката е остра и ненадејна, но со текот на времето станува тапа)

– намалување на телесната висина (одеднаш предолги ногавици на панталоните)

– формирање на грпка (предизвикана од колабирани пршлени)

– фрактура на коските по мошне мала траума.