Докторот Хунг Чи-тинг, офталмолог во болницата на универзитетот „Фоин“ во Тајван, извадил четири мали пчели од левото око на пациентка.

– Под микроскоп, полека ги извадив, една по една – изјави докторот Хунг Чи-тинг.

Тој на прес-конференција рекол дека маките на пациентот започнале кога осетила остра болка во нејзиното лево око додека чистела гробишта на традиционалниот кинески празник наречен Кингминг.

Пациентката помислила дека ѝ влегол песок во окото и пробала да го измие со вода. После неколку часа кога се вратила дома, на нејзиното око се појавил голем оток и солзи.

Кога побарала медицинска помош, д-р Хунг во окото пронашол специфичен вид на пчели кои вообичаено се хранат со полен и нектар, но и со човечка пот и солзи. Овие пчели можат да се најдат насекаде низ светот но многу ретко влегуваат во човечко око.

Д-р Хунг рекол дека операцијата што тој ја извел е најверојатно прва во светот. Кога ги извадил пчелите од окото тие биле сѐ уште живи, а пациентката можела дури и да го изгуби видот.

https://www.youtube.com/watch?v=Z4kQPcMxajI