Четири грчки региони го забележаа најтоплиот декември во изминатите 15 години

Зима во Грција / Фото EPA-EFE/YANNIS KOLESIDIS

Минатиот месец бил најтоплиот декември во изминатите 15 години во четири грчки области, односно во северна Грција, во областа Тесалија, на Крит и на островите во Егејското море, според податоците од Националната опсерваторија во Атина и порталот „Метео“.

Податоците се од мрежата од 52 метеоролошки станици кои работат од 2010 година, а во декември дневните температури биле екстремно високи речиси во целата земја споредбено со просекот од периодот 2010-2019 година.

-Декември се карактеризираше со многу денови со позитивни температурни отстапувања и беше најтоплиот декември од 2010 година. Во Северна Грција, Тесалија и островите во Егејското Море беа регистрирани најголеми позитивни температурни отстапувања, со просечни месечни вредности кои се движат до 3,3 степени Целзиусови над нормалните нивоа за сезоната. Особено топол, декември беше и во централна Грција (+2,4 степени), пишува „Метео“.

Во Атина, температурата била за 2,3 степени повисока од просечната за конкретниот период, а 26 од 31 ден во месецот биле потопли од нормалните нивоа, додека пак во Солун 24 дена во декември биле потопли од просечната вредност во периодот 2010-2019 година.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот