Честитка од Џафери по повод Денот на албанската азбука

Талат Џафери / Фото: Архива на „Слободен печат“

Претседателот на Собранието, Талат Џафери упати честитка по повод Денот на албанската азбука – 22 Ноември, што, како што наведува, е исклучително значаен празник за албанската заедница.

– Денот на албанската азбука е празник со кој што се слави унифицираната азбука, јазикот и писменоста како катализатори на интелектуалното, културното, образовното и секако политичкото издигнување на Албанците, меѓутоа воедно и празник кој има свој значаен удел во највисоките цивилизациски вредности на човештвото, рече Џафери.

Јазикот, наведува Џафери, е толку богат и толку вреден колку што се говори правилно, се пишува правилно, се преведува и шири низ светот со должното внимание и индивидуална и колективна одговорност на секој поединец.

– Тоа е моќна алатка која обединува луѓе, обединува идеи и овозможува соработка и се разбира напредок и интелектуален, културен и уметнички развој на еден народ, но над сè е идентитетски знак на еден народ а Република Северна Македонија е земја во која се негуваат и почитуваат сите различности. Со негување на јазичните и културните разлики, заедно придонесуваме кон зачувување на заедничките трајни вредности и воедно вложуваме во подобра иднина на нашите млади поколенија, посочува Џафери во честитката. Честит 22 Ноември – Денот на албанската азбука!, посочува Џафери во честитката.

Извор: МИА

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот