Чесите за еден месец собраа средства за набавка на тенк како помош за Украина

Украински тенкови / Фото: Profimedia

Во Кампањата за собирање средства за помош на Украина покрената во Чешка се собрани доволно средства за купување модерен тенк „Т-72″, јави агенцијата ДПА.

За само околу еден месец Кампањата собрала 30 милиони чешки круни (1,2 милиони евра), велат организаторите. Средства донирале повеќе од 11 илјади луѓе.

Кампањата „Подарок за Путин” беше поддржана и од чешкото Министерство за одбрана и од украинската Амбасада во Прага.

Организаторите на кампањата тенкот купен за Украина со собраните пари го нарекоа „Томаш” по првиот претседател на Чехословачка Томаш Гариг Масарик.

Чешката министерка за одбрана Јана Чернохова им се заблагодари на сите кои учествуваа во кампањата и саркастично истакна дека на Путин му дале соодветен подарок за неговиот роденден на 7 октомври. Зборувајќи за Путин, таа го нарече агент на КГБ, убиец и болен човек.

Следниот чекор во кампањата е собирање пари за муниција за тенкот. Украинската Амбасада во Прага веќе примила донации од над 8,6 милиони евра.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот