Кабинетот на претседателот на Чешка денеска ја осуди одлуката на Европската фудбалска унија (УЕФА) за забрана за игра на фудбалерот на Славија од Прага, Ондреј Кудела, од 10 натпревари.

Кудела беше казнет во средата затоа што го навредил на расна основа фудбалерот на шкотскиот тим Глен Камара на мечот од осминафиналето во Лигата на Европа против Ренџерс од Глазгов.

Во отворено писмо испратено од кабинетот на Земан до УЕФА се вели дека не е докажано дека Кудела е виновен.

– Одлучивте да казните играч кој не повредил никого, но само вербално, според него, го навредил неговиот ривал. Вие казнувате пристојна личност без никакви докази – стои во писмото.

Кундела призна дека го навредувал Камара, но не поради расна основа, иако друг играч на Ренџерс потврдил дека ги слушнал навредите што ги пријавил Камара.

Минар ја обвини УЕФА за донесување пресуда со цел „да задоволи група активисти и клуб што не може да победи на теренот“ и посочи дека таа казна ги обедини чешките навивачи.

Дефанзивниот играч на Славија ќе ги пропушти и натпреварите на Европското првенство, бидејќи казната се однесува и на репрезентативните настапи. Казната за неиграње на 10 натпревари е најблага казна за такво дело според Дисциплинските правила на УЕФА.