Чешкиот претседател Милош Земан вели дека и понатаму верува дека признавањето на независноста на Косово е грешка.

Тој тоа го напоменал и за време на својата посета на Белград во септември 2019 година, истакнува Земан.

„После многу години поминати во политиката, познат сум како личност која е доследна во своите ставови. И понатаму верувам дека признавањето на независноста на Косово е грешка, а тоа го напоменав и за време на својата посета на Белград во септември 2019 година. За ова прашање разговарав со највисоките уставни функционери на својата земја, меѓутоа, тие не се сложија со мене, а бидејќи живееме во доба на демократија, морам да го почитувам мислењето на мнозинството“, објаснува тој.

Земан пред две години беше во Белград, а годинава е домаќин на српскиот претседател Александар Вучиќ.

Извор: Б92