Чешка воведе мерки за надзор: Се следат податоците на заразените, а по шест часа се бришат од системот
Чешка ќе започне со тестирање на нов систем за карантин, таканаречен „паметен карантински систем“, за да го следи движењето на заболените од новиот коронавирус во Јужна Моравија.
Системот за следење, за кој е потребна согласност, ќе користи податоци од мобилни телефони и платежни картички кај кои е регистриран вирусот, за да ги пронајдат сите луѓе со кои заразените во претходните пет дена комуницирале и кои можеби се заразени, пренесува порталот „Прага морнинг“.
Потоа, здравствените власти ќе работат на идентификација на поединците кои регистрираниот пациент евентуално ги заразил, за потоа да бидат контактирани и ставени во карантин.
Како што се наведува, податоците остануваат во системот најмногу шест часа, а потоа се бришат.