Чешка ги затвора границите за странците во обид да ја држи контрола врз епидемијата
Од денеска речиси ниту еден странец нема да може да влезе во Чешка која се обидува да ги стави под контрола ширењето на коронавирус, рекоа властите за ДПА.
Не се планира поставување на контролни пунктови на граничните премини, но полицајците ќе спроведуваат случајни проверки за да се обезбеди почитувањето на прописите, потврди за ДПА полицијата во Прага.
„Сакаме да ги знаеме причините за патувањата“, рече портпаролот на полицијата. Патувањата поради шопинг не доаѓаат во предвид.
Од сабота во Чешка ќе може да се влезат само оние на кои тоа навистина им е нужно. Исклучоци се службени патувања, нужни семејни посети, погреби и неодложни состаноци со властите, се наведува во владината одлука.
Од друга страна, можно е излегување од Чешка.
Владата на премиерот Андреј Бабиш изрази загриженост поради ширењето на новите соеви коронавирус.
Чешките власти во саботата потврдија нови 8.010 случаи на коронавирус. Во Чешка од почетокот на пандемијата потврдени се повеќе од 980.000 случаи на зараза.