Челзи 150 пати ги прекрши правилата за трансфери!
Во последните 10 години, Челзи вкупно 150 пати ги прекрши правилата за трансфер во кои биле вклучени 69 играчи од различна возраст во клупската академија, пренесува британскиот „Телеграф“.
Лондонскиот тим затоа е казнет со забрана за трансфер ова лето и во јануари. Во април екипата од „Стемфорд Бриџ“ се жалеше на казната, повикувајќи се на аргументот дека нерегистрираните играчи внимателно биле следени, меѓу нив и еден играч за три години кој одигра 75 натпревари.
Chelsea broke Fifa’s rules 150 times https://t.co/wmXBsX1CvE
— Clive Petty (@ceepee01) November 1, 2019
Од клубот исто така истакнаа дека натпреварите помеѓу академиите не се турнири под покровителство на националните здруженија. ФИФА утврди дека доказите на Челзи се неубедливи и ја потврди забраната за трансфери, како и паричната казна од 600.000 илјади швајцарски франци.
Челзи ова лето не купи никој поради забраната за трансфери, но врати неколку талентирани деца во тимот. Предводени од менаџерот Френк Лампард, моментно се на четвртото место по 10 кола освојувајќи 20 бодови.
Следниот натпревар „сините“ ќе го одиграат против Ватфорд на 2 ноември (сабота), а мечот ќе започне од 18.30 часот.