Челси продава 15 играчи, Покетино реши да го врати Жоао Феликс во Атлетико Мадрид
Португалскиот фудбалер Жоао Феликс следната сезона нема да игра за Челси, откако новиот менаџер на лондонскиот клуб Маурисио Покетино одлучи да го врати португалскиот фудбалер во Атлетико Мадрид, пренесуваат шпанските медиуми.
На почетокот на годината, Феликс пристигна од Атлетико во Челси на позајмица до крајот на сезоната. Раководството на „Сините“ имаше опција за откупување на договорот, но Покетино ја отфрли можноста за продолжување на соработката со португалскиот фудбалер, кој постигна четири гола на 20 натпревари за англискиот клуб.
Феликс ја започна својата кариера во тимот на Бенфика, а во Атлетико се пресели во 2019 година. Тој има договор со мадридскиот клуб до јуни 2027 година.
– Вистината е дека не можам да кажам каков е планот со Жоао. Новиот тренер не го сака во Челси. Тој ќе се врати во Мадрид, ништо не сме планирале – изјави претседателот на Атлетико, Енрике Серезо.
Британските медиуми пренесуваат дека Покетино почнал со реконструкција на Челси, кој сезоната во Премиер лигата ја заврши на 12 место на табелата.
The 15 #Chelsea players who could leave this summer and what the club wants for them.
(via @MailSport) pic.twitter.com/KXmDF4T4Fd
— Chels HQ (@Chels_HQ) May 30, 2023
Аргентинскиот стручњак сака во летниот преоден рок да ангажира квалитетен голман, играч за врска и напаѓач, а планира да се откаже од најмалку 15 играчи за кои верува дека ќе добие околу 320 милиони евра.
Покрај Жоао Феликс, Челси нема да смета ниту на Кристијан Пулишиќ, Матео Ковачиќ, Едуар Менди, Хаким Зијеш, Н’Голо Канте, Калиду Кулибали, Пјер-Емерик Обамејанг, Сесар Аспиликуета, Денис Закарија, Калум Хадсон-Одои, Мејсон Маунт, Конор Галагер, Трево Чалоба и Рубен Лофтус-Чик.