Челси конечно си најде тренер
Челси на крајот од сезоната остана без тренер откако Маурицио Сари се врати во Италија и го презеде Јувентус. „Сините“ не ја бараа неговата замена долго, бидејќи новинарот на „Газета дело Спорт“, Никола Скира тврди дека Френк Лампард ќе биде новиот тренер на Челси.
It’s confirmed: Frank #Lampard will be the #Chelsea’s new manager. He’ll sign a contract until 2022. #transfers #CFC https://t.co/ltRcJsgu4a
— Nicolò Schira (@NicoSchira) June 18, 2019
Легендарниот фудбалер на Челси ќе потпише тригодишен договор, а газдата на клубот, Роман Абрамович му ветил дека во првите две години, работата му е сигурна без разлика на пласманот на екипата.
Официјалната презентација на Лампард ќе се случи откако тој ќе го раскине договорот со Дерби Каунти кој пак на негово место сака да донесе уште една легенда на Челси, Џон Тери.
Освен Лампард, на „Стемфорд бриџ“ се очекува да се вратат уште неколку негови соиграчи, Петр Чех би требало да добие директорска функција, додека како дел од стручниот штаб би требало да биде и Дидие Дрогба.