Претседателот на Европската фудбалска асоцијација (УЕФА), Александар Чеферин изрази уверување дека гледачите ќе можат да се вратат на стадионите во блиска иднина.

– Мислам дека во оваа фаза е тешко да се суди што ќе научат УЕФА и целиот свет. Сите ќе запомниме дека сме многу кревки и дека вирусот практично може да го стави светот во пауза, како и фудбалот. Сите ќе ја надминеме оваа криза и сигурен сум дека ќе бидеме посилни и помудри. Фудбалската заедница покажа не само единство и солидарност, туку и пријателство и почит – рече Чеферин.

Претходно беше објавено дека натпреварите во организација на УЕФА ќе се одржат без гледачи заради пандемијата на коронавирус. Лигата на шампионите 2019/20 ќе заврши во Португалија, додека Лигата на Европа во Германија.

– Одржуваме дневен контакт и не смееме да го прекинуваме во иднина. Сигурно можеме да не се согласиме, но сè додека комуницираме и подготвени сме да жртвуваме нешто, ќе бидеме на вистинскиот пат. Како и сите други, ќе се чувствував подобро доколку има навивачи на стадионот. Но, оптимист сум и верувам дека гледачите ќе можат да се вратат на нашите натпревари во блиска иднина – додаде првиот човек на европскиот фудбал.