Чеченија: Се реставрира замок стар 1.500 години (ВИДЕО)
Според зборовите на лидерот на Чеченската Република, Рамзан Кадиров, тамошните власти почнуваат со реставрација на замок стар 1.500 години.
„Во Шаројскиот Регион видов историско-архитектурен комплекс во кој влегуваат седум кули, џамија и свод. Тоа е единствен објект кој е стар околу 1.500 години. На територијата на комплексот се преземаат мерки што ќе овозможат да се зачува и да се обнови овој споменик на културата“, напиша Кадиров на својата страница на социјалната мрежа „ВКонтакте“.
Кадиров додаде дека во моментот се врши реставрација на четири кули, а активности се одвиваат и на други делови од историскиот комплекс.
На овој начин властите сакаат да го развиваат планинскиот и културниот туризам во Чеченија.