Чави: Повторно го добивме најголемиот ривал во Лигата на Европа
Тренерот на Барселона, Чави Ернандез изјави дека неговиот тим има огромна задача пред себе, во двомечот од плеј-офот против Манчестер јунајтед за пласман во осминафиналето Лигата на Европа.
– Ќе мораме да се натпреваруваме, одиме во Манчестер против квалитетен ривал и клуб со богата историја, кој многу се подобри од доаѓањето на менаџерот Ерик тен Хаг. Имаат одлични поединци и повторно го добивме најтешкиот ривал во Лига Европа – рече Чави, а пренесува „Скај“.
Барса на првиот натпревар на 16 февруари на „Камп Ноу“ ќе го пречека Јунајтед, а реваншот е седум дена подоцна на „Олд Трафорд“.
– Ќе имаме време да анализираме, тие се силен тим во одбраната и нападот, не само поради Кристијано Роналдо, туку и поради другите играчи. Манчестер јунајтед е историски клуб кој исто така мора да победи. Два големи клуба, тоа ќе биде огромна задача – вели стратегот на каталонскиот гигант.
Барселона и Јунајтед досега играле 13 пати во европските натпреварувања, а англискиот клуб триумфираше трипати, последен пат во април 2008 година во полуфиналето на Лигата на шампионите со вкупен резултат 1:0.