Тренерот на Барселона, Чави Ернандез, смета дека не е невозможно неговиот поранешен соиграч Лионел Меси повторно да го облече дресот на клубот од стадионот „Камп Ноу“.

Договорот на капитенот на аргентинската репрезентација со ПСЖ истекува на крајот од сезоната и мали се шансите тој да остане во Париз. Една од споменатите опции е враќање во клубот со кој ги имаше најголемите успеси во кариерата, а има и друга опција, да оди во Саудиска Арабија за астрономска плата.

– Му кажав на претседателот на клубот дека враќањето на Меси има смисла. Не се сомневам, тој е совршен за нашиот систем и идеја. Подготвив тактички план за Лео. Да, разговарам со него, сега сè зависи од него, тој треба да одлучи – рече Чави.

Аргентинецот дебитираше за сениорскиот тим на Барселона во 2005 година, а 16 години подоцна реши да замине во ПСЖ.

Меси за „светците“ одигра 74 натпревари во кои постигна 32 гола и запиша 35 асистенции.

🚨 Xavi: “I told the president that Messi return makes sense. No doubts at all, he is perfect for our system and idea. I’ve the tactical plan in mind with Leo”, told Sport.

“It’s up to Leo. I think he has to decide, it’s up to him… I’m speaking with Leo, yes”, Xavi added. #FCB pic.twitter.com/pltTrxOA6I

— Fabrizio Romano (@FabrizioRomano) May 29, 2023