Некој ќе треба да плати цело богатство за опремата која легендарниот Коби Брајант ја носеше во првата сезона во НБА лигата.

Минатата година дресот на Коби Брајант од неговата дебитантска сезона во НБА лигата беше продаден за 3.690.000 долари, а предметот што наскоро ќе се најде на аукција би требало да ја надмине таа цифра. Според експертите кои продаваат спортска опрема, вториот дрес на Коби вреди повеќе и би можел да чини дури 5 милиони долари.

Станува збор за жолт дрес со виолетови детали, број осум и презиме Брајант, кој Коби го носеше четири пати во текот на сезоната 1996/97.

Анонимен продавач на дрес го чувал претходните 25 години, а засега не е познато како дошол во негова сопственост.

Game-worn Kobe Bryant rookie jersey up for auction, could fetch a record $5 million https://t.co/zNZHlixw9i

— NBA on Scoreboard Page (@NBAonSP) May 1, 2022

Дресот е во совршена состојба, а независни стручњаци потврдија дека е автентичен, токму оној што го носеше Брајант. Предноста во продажбата би можело да биде тоа што не е потпишана, бидејќи некои колекционери не сакаат автограми на спортските опреми што ги купуваат.

Поради сето тоа, аукциската куќа претпоставува дека цената на овој дрес ќе биде некаде помеѓу четири и пет милиони долари, што ќе биде нов светски рекорд кога се во прашање кошаркарските дресови.