Цеца за 2 месеца заработува 300 000 евра
Легендата на фолк музиката Светлана Цеца Ражнатовиќ ќе има вкупно 10 концерти во јули и август, а ако земеме предвид дека нејзиниот хонорара е 30 000 евра, тоа значи дека Цеца за само два месеци ќе заработи 300 000 евра.
Претходните денови таа имала настапи во Љубовија, каде пеела пред неколку илјади луѓе на отворено, по најголемиот дожд, а неколку дена подоцна пеела и во дискотека во Будва.
До крајот на месецот ќе настапува и во Врњачка Бања, додека во август има закажано уште седум концерти, од кои два во Македонија, во Охрид и Пробиштип. Се пишува дека за тие десет настапи, таа ќе заработи дури 300 000 евра, што секако е рекорд кога станува збор за летните турнеи на балканските sвезди.
Близок извор до пејачката рекол дека таа добивала повици и понуди за соработка и за есенските месеци, но сè уште не закажувала настапи од септември бидејќи не е познато каква ќе биде состојбата поради можно влошување на пандемијата. Пред неколку дена таа за медиумите изјави дека сериозно се разболела по концертот во Љубовија затоа што била мокра од дождот скоро два часа.
View this post on Instagram
„Проблемот беше што бината беше на дваесетина минути возење од сместувањето каде што се подготвував, па мојата облека се исуши врз мене и ми се слоши. Со денови примав силни инекции, инфузии и инхалации. Но, како што можете да видите, успеав да се опоравам“, рекла Цеца.
Извор: „Kurir“