Екипата на Бутел успеа да го ангажира еден од најдобрите ракометари од Светското кадетско првенство кое се одржува во Скопје, Нигериецот Фарук Јусуф. Јусуф кој потпиша четиригодипен договор со Бутел, настапува на позицијата десен бек, а досега го носеше дресот на Сокото Академи.

Јусуф моментно е трети стрелец на Мундијалот кој се одржува во Скопје и на шест меча постигна 40 погодоци. Младиот ракометат на својто нов тим ќе му се приклучи на подготовките на почетокот на септември.

– Среќен сум што потпишав за тим каков што е Бутел Скопје, кој од година во година се повеќе се развива. Се надевам дека ќе помогнам во следниот период тимот да стигне до некој трофеј и едвај чекам да ја започнам соработката со управата, со тренерот и со моите нови соиграчи – изјави Јусуф.