Бурно е во Баерн, најдена е замена за незадоволниот Флик

epa08710124 Bayern Munich's head coach Hansi Flick waves as he arrives for the German DFL Supercup soccer match between Bayern Munich and Borussia Dortmund in Munich, Germany, 30 September 2020. EPA-EFE/Alexander Hassenstein / POOL CONDITIONS - ATTENTION: The DFL regulations prohibit any use of photographs as image sequences and/or quasi-video.

Тренерот Ханси Флик под чие водство Баерн Минхен минатата сезона ги освои сите трофеи можно е на крајот од сезоната да го напушти баварскиот тим.
Причината не се резултатите, Баерн под водство на Флик освои дури шест трофеи во една сеозна, туку големите несогласувања со спортскиот директор Хасан Салихамиџиќ.
Според весникот „Билд“, Салихамиџиќ и Флик речиси и да не разговараат, а не можат да најдат ниту заеднички јазик и за трансфер политиката која е најголем камен на сопнување во нивните односи. Последното несогласување е поради голманот Александер Нубел. Имено, Флик бараше Нубел да замине на позајмица во Монако каде би добил шанса редовно да брани, бидејќи сеознава Мануел Ноер е неверојатен на голот на Баерн.
Но, Салихамиџиќ зад грбот на Флик му ветил на Нубел дека ќе добие шанса во финишот од сезоната, што е речиси неверојатно да се случи.
Поради тоа „Билд“ пишува дека Салихамиџиќ започнал да размислува за наследник на Флик и изборот паднал на младиот тренер на Лајпциг, Јулијан Нагелсман.
Нагелсман прави чуда со Лајпциг кој моментно е единствен конкурент на Баерн за титулата во Бундеслигата, а се почести се гласините дека на крајот од сезоната ќе си замине од клубот.
За него голем интерес пројавуваат неколку англиски екипи, како и Барселона, но „Билд“ тврди дека спортскиот директор на Баерн во наредниот период планира да оствари средба со него за можноста од следната сезона да седне на клупата на актуелниот европски шампион.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот