Бурниот викенд во Милано донесе нова забрана за граѓаните (ФОТО)
Во баровите во Милано од денеска во вечерните часови е забрането продажба на пијалоци кои се за носење.
Таа одлука е донесена за да се спречи собирање на луѓе и ширење на коронавирусот, соопшти градоначалникот на Милано Џузепе Сала.
Работното време во баровите и ноќните клубови нема да биде ограничено, но после 19 часот нема да биде дозволена продажба на пијалоци кои можат да се понесат, откако за викендот беа забележани бројни прекршоци на правилата, пред се забрана за собири.
„Секако дека не сакам да имам став на шериф, но се соочуваме со огромен притисок на голем дел од општеството кое има жалби на ваков вид на однос и затоа мораме да пробаме да воведеме рамнотежа на работите“, изјави градоначалникот на Милано.
Градоначалникот истакна дека сака да ги заштити „оние кои работат“, но дека, како што наведе „јасно е дека последниот викенд во Милано не бил мирен“.