Претставничкиот дом на американскиот Конгрес втор ден по ред е парализиран додека спикерот Кевин Мекарти се обидува да го смири бунтот на поконзервативната струја од републикански конгресмени кои почнаа да ја доведуваат во прашање способноста на партијата да ја спроведе својата агенда во Вашингтон.

Мекарти кажа дека е „изнененаден“ откако група конзервативци ги блокираа напорите на неговата партија да ги блокира новите еколошки регулативи за домашните гасни печки, но тој верува дека двете страни ќе ги решат своите разлики.

-Ќе работиме на ова и ќе станеме уште посилни, им кажа тој на новинарите.

Еден од конзервативците, пратеникот Тим ​​Буршет, кажа дека двете страни работат на решавање на „прашањето на довербата“ и рече дека се поблиску до решение.

Тврдокорните ветија дека ќе ги искористат сите „процедурални алатки“ за да го забават донесувањето на законот се додека Мекарти не се согласи со нивните услови, предизвикувајќи ги прашањата дали спикерот не си го ризикува своето претседателствување со Претставничкиот дом.

Овие побунети, тврдокорни конзервативци, се меѓу републиканците кои во јануари се спротивставија на изборот на Мекарти за претседател на Претставничкиот дом додека тој не се согласи на отстапки што го олеснија предизвикувањето на неговото лидерство.

Тие, исто така, беа меѓу 71 републиканец кои се спротивставија на компромисот за плафонот за долгот усвоен минатата недела. Тие сè уште тврдат дека Мекарти и неговиот тим не ги намалиле доволно трошоците, ги игнорирале нивните предлози и дека дошло до одмазда до барем еден од нивните членови.

Мекарти и неговите колеги републиканци имаат тенко мнозинство од 222 наспроти 213 конгресмени, што значи дека можат да изгубат само четири од гласовите на нивната партија за какви било мерки на кои демократите едногласно се противат.