Бундеслигата е последна шанса за Роналдо, но тоа не е Баерн
Фудбалерот на Манчестер јунајтед, Кристијано Роналдо се наоѓа пред изненадувачки трансфер во Бундеслигата, но не во Баерн Минхен, туку во најголемиот конкурент на баварците, екипата на Борсија Дортмунд.
Новинарот на „Си-Би-Ес спортс“, Бен Џејкобс тврди дека агентот на Роналдо, Жорге Мендеш започнал преговори со челниците на Борусија Дортмунд. Иако засега трансферот не е ни приближно до реализација, Мендеш се надева дека до крајот на преодниот рок ќе успее да најде заеднички јазик со „милионерите“.
– Иако сите веруваа дека Роналдо би можел да се врати во Спортинг Лисабон, таа опција не е интересна ниту за фудбалерот ниту за тренерот Рубен Аморим. Но, Роналдо нема ништо против трансфер во Борусија Дортмунд. Со Борусија би играл во Лигата на шампионите, а исто така голем предизвик би му претставувал обидот да се бори за титулата во Бундеслигата откако претходно беше шампион во Премиер лигата, Серија А и Ла Лига – тврди Џејкобс.
Џејкоб исто така тврди дека на Борусија и е потребен елитен напаѓач откако Себастијан Алер мора подолго време да отсуствува од терените поради тумор на тестисите, а Борусија е доста конкурентен тим и во Бундеслигата и во Лигата на шампионите.